புள்ளப்பூச்சி என்றால் என்ன?

புள்ளப்பூச்சி என்பதே சரியான பொருள் பொதிந்த பெயர். புள்ளப்பூச்சி என்றால் தோண்டும் பூச்சி என்று பொருள்.

அகராதியின் விளக்கங்களுக்கமைய

" இப்பூச்சி 'கிரில்லோடால்பிடே' என்ற குடும்பத்தின் பூச்சி வகைகளுள் ஒன்றாகும்.

பிள்ளைப்பூச்சி என அழைக்கப்படும் 

இப்பூச்சி பேச்சு வழக்கில் 'புள்ளப்பூச்சி' என்று பெயரிடப்பட்டு அழைக்கப்படுகின்றது.(ஆங்கிலத்தில் Gryllotalpa brachyptera)"

புள் - என்றால் தோண்டுதல், துளையிடுதல் என்று பொருள்.

இப்பூச்சிகள் மண்ணை வலுவாக தோண்டக்கூடியதாகவும் துளையிட்டு உட்செல்லும் ஆற்றல் கொண்டதாகவும் காணப்படுவதனால் நம் முன்னோர்கள் இட்ட காரணப்பெயர் - புள்ளப்பூச்சி ஆகும்

புள் - என்ற அடிச்சொல் துளைப் பொருள் குறித்ததாகும்.

புள் = துளை, தோண்டு.

புள்ளுதல் = துளைத்தல், குத்துதல், தோண்டுதல்.

புள் > புல் = உள்ளார்ந்த துளையுள்ள தாவர வகை.

புள் > புழு.

புள் > புழை = துளை.

புள் > புள்ளாங்குழல் > புல்லாங்குழல்.

புள் > புள்ளி. புள் = பறவை. அலகினால்  கொத்தி /குத்தித் தின்னும் இயல்புடைய  பறவைக்கு 'புள்' - எனவும் பெயர் உண்டு. 

புள் > புள்ளினம்.