பிரியா வாரியர்: ஒரு கண் இமைப்பில் பிரபலம் ஆனவர் முதல் தமிழ் திரையுலகில் அஜித்துடன் நடிக்கும் வரை…

ஒரு கண் இமைப்பின் மூலம் ஒரு இரவிலேயே இந்தியா முழுவதும் பிரபலம் அடைந்த நடிகை பிரியா வாரியர், மலையாளத்தில் ஒரு அடார் லவ் திரைப்படத்தின் “மாணிக்க்ய மலர்” பாடலில் நடித்ததைத் தொடர்ந்து ரசிகர்களின் மனதில் இடம்பிடித்தார். சமூக ஊடகங்களில் அவர் பெற்ற வரவேற்பு, அவரை விளம்பர உலகிலும் நடிப்பு உலகிலும் விரைவாக முன்னேற்றியது. ஆனால், மலையாள திரையுலகில் திறமை உள்ளவளாக இருந்தாலும், முன்னிலையான வாய்ப்புகள் வராமல் இருந்ததைப் பற்றி அவர் ஒரு நேர்காணலில் பகிர்ந்துள்ளார்.

“நான் ஒருபோதும் மலையாளத்திலிருந்து விலக விரும்பவில்லை. ஆனால் நல்ல கதைகள் எனை அடையவில்லை. ஒரு நடிகைக்கு வாய்ப்பு கொடுக்க முன்வர வேண்டும். லுக் டெஸ்ட் கூட அழைத்திருக்க வேண்டும். ஆனால் சமூக ஊடகங்களில் ஏற்பட்ட சில தவறான நிலைப்பாடுகளால், யாரும் ரிஸ்க் எடுக்க தயாராக இல்லை."

தமிழ், தெலுங்கு போன்ற மொழிகளில் தற்போது பிஸியாக இருக்கும் பிரியா, சமீபத்தில் தனுஷ் இயக்கத்தில் வெளியான "நிலவுக்கு என் மேல் என்னடி கோபம்" படத்தில் முக்கிய கதாபாத்திரத்தில் நடித்திருந்தார். அதனைத் தொடர்ந்து, தற்போது அஜித் குமார் நடித்து வரும் "குட் பேட் அக்லி" படத்திலும் முக்கிய வேடத்தில் நடித்துள்ளார்.

இந்தப் படத்தின் படப்பிடிப்பு அனுபவங்களைப் பகிர்ந்தபடி, பிரியா தனது இன்ஸ்டாகிராம் பக்கத்தில் அஜித்தை புகழ்ந்து நெகிழ்ச்சியுடன் ஒரு பதிவை வெளியிட்டுள்ளார்.

“எங்கிருந்து தொடங்குவது என தெரியவில்லை. என்ன எழுதினாலும், உங்களை எவ்வளவு மதிக்கிறேன் என்பதைச் சொல்வதற்கு போதாது. முதன்முறையாக உங்களிடம் பேசும் தருணத்திலிருந்து, கடைசி நாள் வரை நீங்கள் என்னை ஒரு உறவினராகவே பார்த்தீர்கள். எங்களுடன் உணவு பகிர்ந்தது, நகைச்சுவையாக பேசிய தருணங்கள் அனைத்தும் என் மனதில் செரிந்துபோனவை. குடும்பம், பயணம், வாழ்க்கை பற்றி பேசும் போது உங்கள் கண்களில் தெரிந்த அந்த ஒளி எனக்கு மகிழ்ச்சியை அளித்தது.

தொட்டு தொட்டு பாடலின் படப்பிடிப்பு என் சினிமா வாழ்க்கையின் இனிமையான தருணமாக இருக்கும். உங்கள் பொறுமை, தன்னடக்கம், ஈடுபாடு என அனைத்தும் என்னை ஈர்த்தது. உங்களிடமிருந்து நான் தன்னடக்கம் மற்றும் மனித நேயத்தை கற்றுக்கொண்டேன். மீண்டும் உங்களுடன் பணியாற்ற ஆசைப்படுகிறேன். மிகுந்த மரியாதையுடனும் அன்புடனும், உங்கள் தீவிர ரசிகையாக – பிரியா வாரியர்”

இந்த பதிவால், அவரின் மரியாதையும் மனமார்ந்த பாராட்டும் சமூக ஊடகங்களில் பெரும் வரவேற்பை பெற்றுவருகிறது.

பிரியா வாரியர் க்யூட் போட்டோஸ்

பிரியா வாரியர் தற்போது நடிப்பிலும் வளர்ச்சியிலும் கவனம் செலுத்தி, கற்பனைக்கும் உணர்வுக்கும் இடையே நடக்கும் பயணத்தில் தனது தனித்துவத்தை நிரூபிக்க முயன்றுகொண்டிருக்கிறார்.